Der Wasti hat wieder seine Spendier-Lederhosn an - Heute hat ein episches Gedicht gewonnen

Nervös war er gestern schon ein bisserl, der Wasti: Ein riesenlanger Festzug mit so vui Teilnehmer wia scho lang nimma, a ganz a frischer Buagamoasta, der zum ersten Moi in der Forsrtinger Beirburg und in der Wiesn-Alm o’zapft hod und dann no vui neie Fahrgeschäfta aufm Festblotz – do kannst ois Frühlingsfestlöwe mit enormem Verantwortungsgefühl am ersten Dog scho a bisserl die Nerven verlieren. Aber es is oisamt guad ganga. Und da Wasti hod se saumiad, aber auch zufrieden relativ fria in sei Löwenhöhle verzogn. Und do hod er die ersten Einsendungen zu seim Gewinnspiel „Magst a Biermarkerl, ha?“ ogschaut. Es war ned ganz leicht, unter de vuin Einsendungen den Sieger zu küren. Letztlich ist es ein episches Gedicht von Anna Lena aus Amerang worden …

Das ist das Sieger-Gedicht heute:

Liebes Frühlingsfest-Komitee,

i brauch dringend eure Idee:

Wie soll i denn des Fest übersteh,

ohne a Maß in da Hand zum Rumgeh?

 

Die Musi spielt, die Bierzelte bebn,

selbst die Hendl fang’n fast o zum Leb’n.

Da Duft von Bratwurst liegt in da Luft,

und mei Geldbeutel macht nur noch puff.

 

Drum wär a Biermarkerl wirklich a Segen,

i würd’s a mit großer Dankbarkeit pflegen.

I trag die Maß ganz vorsichtig heim,

vielleicht net ganz gradaus, aber des muss so sein.

 

Denn ohne Biermarkerl wird’s richtig schwer:

Dann sitz i nur nüchtern vorm Autoscooter daher.

I wink den Freunden traurig nur zua,

während die Goaßmaß ruft: ‚Wo bleibst denn du nua?!‘

 

Sogar die Bedienung hat letztens g’sagt:

‚Des Mädl schaut aus, als warads vom Durst geplagt.‘

Und da Schorsch vom Nachbartisch meinte ganz trocken:

‚De muaß ma dringend mim Biermarkerl locken!‘

 

I verspreche auch hoch und heilig dabei:

Nach drei Maß sing i nur halbwegs schief und laut dabei.

I tanz auf da Bank mit olympiareifem Stil,

und treff beim Prost’n meistens sogar mei Ziel

 

Also habt a Herz und seid’s so fein,

sonst muss i tatsächlich Wassertrinker sein.

 

Denn am Frühlingsfest gilt doch der Brauch:

Wer Biermarkerl hat, der lacht einfach auch!

 

Liebe Grüße

Anna Lena aus Amerang

 

Der Wasti gib übrigens a moing wieda zwoa Biermarkerl aus. Was ma dafür doa muass? De Biermarkerl gibt’s für die beste Begründung, warum ihr de zwoa Markerl dringend braucht’s. Des kann a Wort sei, a Buidl, a Satz oder a abgeschlossener Kurzroman. Egal. Oiso, des is doch gar ned so schwer!

De Chef von da Schurie ist der Wasti höchstselbst. De Gewinner gibt da Wasti jeden Dog am Nachmiddog bekannt – und wie ma an die Markerl kimmt, gibt’s dann per Mail.

Vorname und Wohnort mit dazu und an diese Mailadresse schigga:

wiesn@ws-stimme.de

 

Schaufenster