Besser wia nix

image_pdfimage_print

ChristianWow, is‘ des eine Aktion gwen. Ein Mordskran hod heid in da Fria elfahoib Tonnen Wasserburger Stadtgeschichte durch de Luft gwucht und aufan Lastwogn vom Kerstens Christian aus Amerang draufghom. D‘Autofahrer am Max-Emanuel-Platz sand olle mit offam Mei an da Baustell vorbei gfahrn. Am Nachbarn sei Hund hod vor lauter Schaun an Bleschl außahänga lossn und wia wuid mitm Schwanz gwedelt. Des oide Drum vo dera Stodmauer is bei de berühmt-berüchtigten Fletzi-Ausgrabungen am Fletzinger Areal zum Vorschein kemma gwen. Und es is‘ oans vo de wenigen Drümma, de ganz und gar dahoitn wern. Des Stückerl Mauer soi spaada in den Neibau integriert wern. Besser wia nix … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.