Da foische Fünfa …

image_pdfimage_print

OLYMPUS DIGITAL CAMERAI woaß ned, wias Eana gät, aber i find, da Fünfer is irgendwia nix mehr wert. Seit a paar Wochen gibt’s eam im neia Outfit und Desein, wia ma so sogt – und jeds Moi denk i ma, des is a Spuigeld. Vo Monopoly. Er fühltse foisch o. Koa foischa Fuchzga, sondern quasi a foischa Fünfa. Dabei soi er jez bsonders fälschungssicher sei. Frogt se nur, wer an Fünfa hätt fälschn soin? Vui griagst ja nimma dafür. Do warst ja ganz schee bschäftigt gwen, damit se des Fälschen glohnt hätt. Na ja, jedenfois is da Zehner scho im Pilotprojekt, hoaßts. Und da Zwanzga a scho. Wenn se dann ois wia Spuigeld ofühlt – na, dann setz i einfach ois auf de Schlossallee und dann schau ma moi… … moand d’Renate

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.