Mogst a Biermarkerl, ha? - Frühlingsfest-Löwe Wasti hat wieder seine Spendier-Lederhosn an

Wauw! Heut‘ bin ich direkt ganz enorm gerührt. De Claudia aus Schnoatsee hod ma a eigens Liadl zum Frühlingsfest gschickt. I bin begeistert. Schaut’s eich des Liadl amoi o, des is auf jeden Foi de zwoa Biermarkerl wert:

1. Strophe:
Es is Frühling in Wasserburg, die Gassn san voll,
a Blasmusik spielt, und d’Leit findn’s toll.
Im Festzelt da lacht ma, da is richtig was los,
a Maß in da Hand und der Alltag is wos!
Refrain:
Zwoa Biermarkerl, so fängt’s oft o,
a Prosit, a Lächeln – und du sogst: Hallo!
Ob Freundschaft, ob Liab, ob a lustiger Tanz,
in Wasserburg kriagt jedes Herz sei Glanz!
2. Strophe:
Die Lichter, die blitzen, der Himmel is klar,
de Fahrgeschäfde drahn si – so wunderbar.
Und mitten im Trubel, ganz unverhofft,
liegt a Kuvert mit Markerl, ganz zart und ganz soft.
Refrain:
Zwoa Biermarkerl, so fängt’s oft o,
a Prosit, a Lächeln – und du sogst: Hallo!
Ob Freundschaft, ob Liab, ob a lustiger Tanz,
in Wasserburg kriagt jedes Herz sei Glanz!
3. Strophe:
A Fremder sogt schmunzelnd: „Des war für mei Frau,
vor vierzig Jahr warn ma hier – genau da, ganz genau!“
Doch er lacht und sogt dann: „Heit habts ihr’s verdient –
a Moment, der verbindet, a G’schicht, die beginnt.“
Finaler Refrain:
Zwoa Biermarkerl, so fängt’s oft o,
a Prosit, a Lächeln – und du sogst: Hallo!
Das Frühlingsfest lebt – in jedem Gesicht,
in Wasserburg vergeßt ma die Zeit einfach nicht!
Claudia, Schnaitsee 

I gib übrigens a moing wieda zwoa Biermarkerl aus. Was ma dafür doa muass?

De Biermarkerl gibt’s für die beste Begründung, warum ihr de zwoa Markerl dringend braucht’s. Des kann a Wort sei, a Buidl, a Satz, eine philosophische Untersuchung oder a abgeschlossener Kurzroman. Egal. Oiso, des is doch gar ned so schwar!

Vorname und Wohnort mit dazua und an diese Mailadresse schigga:

wiesn@ws-stimme.de

Da Chef vo da Schurie bin übrigens i.

De Gewinner gibt da Wasti jeden Dog am Nachmiddog bekannt – und wie ma an die Markerl kimmt, gibt’s dann per Mail.