Danke dafür …

image_pdfimage_print

OLYMPUS DIGITAL CAMERAJedn Donnerstag sand de junga Leit jez wieda unterwegs – de Burschn vo Remboch und Pfaffing. Na, ned in de Disco oda in a Kneipn. Seit vui Jahr scho dean de Klöpferlsinga. Füran guadn Zweck. So, wia’s da oide Brauch is in Bayern. Sie sand olle um de 20 Jahr oid und gengan vo Tür zu Tür in da ganzn Pfaffinger Gemeinde. Sie bittn ned nur uma Spende, sie sand verkleidet wia Hirten aufa Herbergssuche – sie spuin Gitarre und singan für des Geld. Egal ob’s 15 Grod minus hod oda regnt oda schneibt, wos übahaupts schneibn ko. A guada oida Brauch in da Heimat. Wos Scheeners gibt’s doch eigentlich gar ned – genau des is Weihnachten. Rembocha und Pfaffinger Burschn, danke dafür … … sogd d’Renate.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.