Grandiose Stimmung vom Hennagassl bis …

... über die Hofstatt zum Marienplatz - Unser Wasserburger Weinfest-Rückblick

image_pdfimage_print

Wasserburg Weinfest 2015045Wer hätt des glaabt, dass des Wedda gestern so herhoit? Trotz aller Vorhersagen ned oa Tropfa Reg’n. Im Gegenteil, a laus Lüfterl, a richtig scheene Sommernacht – danzt is worn auf de Straßen in Wasserburg! Nach langen Jahren endlich wieder moi aufs Wasserburger Weinfest geh – des hod se gestern da Dieda, unser Leserreporter, dacht. Hier sei Bericht und seine Buidln: Es war richtig schee! Verschiedene Musikgruppen über de Stod verteilt, do waren alle Richtungen dabei und ham zum Verweilen und Tanzen eing’laden. Ob boarisch oder modern, ob lauder oder leiser – a Jeder hod do sein Platz zum Feiern g’fundn. A Geheimtipp für de „Best Agers“ derfad do ganz bsonders a’s Hennagassl g’wesen sei …

Wasserburg Weinfest 2015014

A Zehn-Mann-Combo, de de Gass’n so richtig wackeln lassen ham. Jedenfalls host vui Geduld braucht zum Hinterekemma und Retour war’s a ned leichter.

A anderer Brennpunkt, desmoi aber im positiven Sinn, war da Marienplatz. Do ham „Roll the Dice“ sauber ab g’rockt und de Stimmung zum Kocha bracht. Vor allem de weibliche Fangemeinde in alle Altersklassen ham oan do a bisserl an a Rockkonzert erinnert. De Stimmung war auf alle Fälle grandios und alle Sitzplätze in da Stod ziemlich vergeben, wobei zum Zuabirucka hod se oiwei wos ergeben.

Wasserburg Weinfest 2015007Aus kulinarischer Sicht war für jeden Geschmack und jeden Hunger was geboten und wer mim Wein ned warm werd’n hod kenna, für den hod’s aa a Bier oder wos anders zum Dringa geb’n. Auf alle Fälle wieder a Wasserburger Fest, bei dem ma sich rundum woigfuid hod.

Nur des oane oder andere Laternd’l in de Fenster hätt‘ des Gesamtbuidl no a bisserl verschönert. Bin hoid doch a Romantiker! Des Traditionsfest am Leb’n zu hoitn is de Verantwortlichen mit Sicherheit gelungen.

Dietmar Gebert

[FinalTilesGallery id=’358′]

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.