Da Jack beim Bon

image_pdfimage_print

IMG-20130718-WA0000Nocham chilligen Wochenend, machma uns auf’n Weg in de Hundeschui, „Platz!“ und „Bleib!“ lernans uns heid und an lustigen Parcours mit Röhren und Stangen machan an Jack an sauban Spaß! Nochdem mi leida a gloans Sommagrippal dawischt hod, kemma des scheene Sommaweda garned midnand genießen, aba mei Schwesta hod an Jack dann zum Bon midgnomma, wos eam a guad gfoin hod, aba er besteht auf a eigenes Handduach zum Ausruhen.

Nochdem er mid oana siaßn, weißn Hündin obandlt hod, griagst’n kaum no aus’m Wassa! Omd’s nemman mia dann auf a Geburtsdogsfestl mid und er zoagt se vo seina best’n Seitn. Noch der Begrüßung olla Gäste, foid er um und schläft brav auf meine Fiaß!

Am Samsdog derf er zum ersten Moi mid in de große Stodt! Oh mei, des war anstrengend füa olle Beteiligten! Autos und Lastwäng san do gwen und so vui Leid, aba beim Essen im Greinbräu war glei wieda ois guad und völlig entspannt,gönnt da Jack se a Auszeit und schlaft weg. Dann samma no an Inndamm auffe, ham de Wallensteiner beim Turmbaun zuagschaugt und da Jack war im Inn.

Dregnoß und voia Innsand hod uns da Jack dann mid am Ehepaar im Schatten verwechselt und hod se bredlbroad zwischen de zwoa nei gflagt. „Oh“, hob i ma denk, „des gibt Ärga!“ Aba de zwoa ham bloß glacht und uns glei vo eanam Hund vazählt, daß der aa so war! Mei, am Jack konn ma fast ned bees sei! Noch am gloana Ratsch, hams dann festgstellt, dass sie eigentlich aa wieda oan mechat’n und wer woaß, vielleicht hoin sie sich a wieda oan ins Haus?

Freile muaß ma jetz vui Sachan andas organisieren, aba i machs gern, wei i des ja vorher gwußt hob! Am Omd war ma na a lustige Mädlsrund’n, weil meine zwoa Nichtn do warn und da Jack hod des genoss’n. Olle hamd’n busslt und gstreichelt, bis er mid am wohligen Seufzer zwischen dem Hennahaufa eigschlaffa is… Man hod’s hoid ned leicht in am „ein Mann Wolfsrudl“, ge Jack!

Eure Marion Michel

marion

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.