… Hirn eischoitn!

Unser Kommentar zu de Mess-Stellen, wo nächsten Mittwoch da Blitz eischlogt

Ganz ehrlich, wenn mia heid um sechse auf d‘Nacht oana sogt, dass moing vo neine bis elfe in da Stod de Schandamerie eine Radarkontrolle macht – und des direkt vorm Wasserburger Rathaus – garantiert, dass i trotzdem mit meim Auto einerausch, in de Radarfoin. I ko ma einfach nix damerka. Liegt wahrscheinlich am Oidda. Und daran, dass i a schussliger Autofahrer bin. Für olle andern hom mia heid de Listn, wo de Polizei nächsten Mittwoch kontrolliert, einedo. Oiso, aufgemerkt! Lesen und wissen, wo da Blitz eischlogt. Des guit aber ned grod für de Zeit vo dem Blitzmarathon, sondern ollerweil! Vui z’vui schware Unfälle in letzter Zeit bei uns. Hirn eischoitn … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Ein Gedanke zu „… Hirn eischoitn!

  1. …Hirn eischoitn!
    Es is scho etliche Jahr her. Do hod mia a Oibichna Wirtin erzäld, dass sie an oan Samsdog-Vormidag no a baar Saggl Zement braucht hod. Oaso obe auf Mehring und scho hods in Berg blitzt. In Mehring beim Tröstl schnell a baar Saggl Zement eine in den Kofferraum und auf und davo, damit de Maurer wieda a Arbad ham und ned rum stenga. Und wos bassierd, in Berg hods glei wieda blitzt. Aba da Zement war dahoam, wenn er a grad ned billig war.

    25

    2
    Antworten