Bluads Weda !

image_pdfimage_print

Es is doch jedes Jahr des Gleiche, kaam geht as Frühlingsfest o, rengt‘s wia d‘Sau. Und ned grod des. Sogar unwetterartig soid‘s am Freitag wern, song de Wetterfrösch. I hob äh ghörd, dass da ganze Summa in Bayern heia auf grod oan Samsdog foin soi. Oh mai. Renga, nix wia renga. Und ofanga duad‘s wia imma beim Frühlingsfest. Subba, da friast da ja ois ob, im „Ganz-knapp-üba‘s-Oschal-Dirndl“. Und de Buam wern se de „Mei-Undahos‘n-muass-ma-feischo-seng-Ledahosn“ bis zu de Ohrwaschl aufi ziang – bei dene Prognosen füa‘s Pfingstwochenend! Kemma des ned amoi vaschiam? Des Sauweda, moan i. Wobei‘s wurscht is, auf welchen Dog. Grod ned zum Frühlingsfest hoid … … moand de Michlin.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.