Wossablosn!

image_pdfimage_print

Christian1Saklzement, is‘ des gestern a spitzenmäßiger Maibaam-Nachmiddog in Kirchreit gwen. A guade Brotzeit, a Subbamaibaam mit am Gickerl ganz obn, d‘Sun hod obebrennt, a laues Lüfterl is oam durchs Trachtenhemad durcheblosn – ois ganz wunderbar! Apropos blosn. Blosn hob i jetzt an meine Fiaß. Und wahrscheinlich ist des vui Andane aa so ganga, hom doch de Kirchreiter a‘s Bier grod in Hoibekriagal ausgschenkt. Ja so sog amoi. Zu a‘m Maibaam, do g‘heard a Maß und a Maßkruag. Den hod‘s grod für de Aufsteller gebn. Olle andern hom se olle zwanzg Minuten um a neie Hoibe ostelln derfa. Des war ja direkt eine Diskrimibierung! … jammert da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.