Wer hod des bstellt?

image_pdfimage_print

OLYMPUS DIGITAL CAMERAWarum eigentlich kon ned amoi wos bleim, wia’s war? Heid hod se de Telekom woi dacht, „ja – ändern wir moi wieda so zur Abwechslung des E-mail-Center für unsane Kunden.“ Koa Ahnung, wer sich des gwünscht hod oda bstellt hod – jedenfois i ned. Und trotzdem war’s heid urplötzlich soweit – ois anders im Postfach. Wos aba ned automatisch hoaßt, besser. Denn ganz im Gegenteil, i find nix mehr. Unübersichtlich is no echt harmlos ausdrückt. Und schee ausschaun duats aa ned. Aba scho klar, erstens gibt’s größere Probleme ois so a Postfach – und zwoatens wia’s bei olle andern Updates aa scho oiwei war – ma gwohnt se dro. Morgn scho oda übamorgn dann vielleicht. Und beiam Computer-Problem – grübel – sitzt des Problem ja leida eh nur agrad davor … hod d’Renate irgendwann amoi glernt.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.