Wer blickt do eigentlich no durch?

image_pdfimage_print

OLYMPUS DIGITAL CAMERA„Die von Ihnen gewählte Seite ist leider nicht verfügbar oder existiert nicht.“ Oha. Ausgrechnet agrad jetzt? Do woit i mi heid nomoi schlau macha, wia des genau ausschaut mit dem neia Zug – dem Meridian vo da Veolia GmbH – der ab Dezember durch Rosenheim rauschn soi Richtung Salzburg oda Minga – und dann des. No fett okündigt auf da Startseiten vo dene eanarer Homepage. Aba finden duast dann nix. Oiso jedenfois ned heid. „Wir sind kompetent – belastbar – aktiv.“ Des ko ma im Service-Bereich vo da Veolia lesen. Ja, woi ma’s moi hoffa. Vor allem „belastbar“ dat’s ja richtig guad treffa! Weil Fragen wern scho no an Haufa auftaucha in de nächstn Wochan, wenn wirklich da oid Diesel zum Einsatz kimmt. Lang is ja nimma hi bis Dezember. „Nah dran. An den Menschen.“ Des schreims ano ois Werbespruch. Ja, schee – hoff ma moi, dass des stimmt. Nah dran und am Bestn ano schee zeitig – fahrplanmäßig … … moand d’Renate.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.