Weg mit dem Gift!

image_pdfimage_print

OLYMPUS DIGITAL CAMERABei uns is manchmoi irgendwia scho recht kompliziert. Ob des um a Maut gät oda um a Regierungsbildung. Oda um Plastiktüten. Vo dene brauchan de Iren bloß 18 Tüten im Jahr und de Dänen grod viere. Und mia? 65 Tüten pro Jahr – oiso jeder! De EU wui jez reagieren – da Verbrauch soi eigschränkt wern. A Tütensteuer is odacht. War ja klar, wos sonst… A Plastiktüten werd bei uns a paar Minuten hergnomma und dann liegts umanand. Und zwar glei a paar hundert Jahr. A richtigs Gift. Wenn wos nur möglicherweis vagift sei kannt in Deutschland, so da kloanste Vadacht besteh‘ kannt – zum Beispui bei na Raviolidosen oda beiam Rind – werd ois glei aus de Regale grammt oda umbrocht. Üba Nacht. Warum rammt ma ned olle Plastiktüten einfach weg? Einfach sofort und glei. Raus aus olle Discounter. Üba Nacht. De Alternativen hod doch jeda dahoam – Stofftaschen, Trolleys, Rucksäck, Kühltaschen oda so scheene Körbe aus Bast… … moand d’Renate

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.