Sehr mutig und schee …

image_pdfimage_print

OLYMPUS DIGITAL CAMERAHeid war a Pressekonferenz – des is ja an sich no nix bsonders, des hod ma ois Redakteurin ja des öftern. Aba a Pressekonferenz mitten in einer Kirche, des gibt’s ned so oft – für mi war des heid des erste Moi. Enthüllt worn is a Altar aus Glas und ma derf gspannt sei, wia de Besucher der Pfarrkirche Sankt Michael in Attel da neia Altar gfoin werd. Jeda werd wos anders in eam seng. Auf jedn Foi isa einmalig. Und abseits vo dem Rummel um de ollaerste Präsentation heid, hob i den neia Altar moi auf mi wirkn lassn. Er is leuchtend irgendwia. Und sehr mutig is des Werk. Es fasziniert. Es strahlt Moderne aus und a Jugendlichkeit inam 300 Jahr oidn Kirchenbauwerk. Hell und klar und sehr stimmig im Altarraum. A scheens Symbol ois Mittelpunkt. Für a Gemeinschaft vo Jung und Oid. A Gemeinschaft inam Glauben … … moand d’Renate.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.