Schod eigentlich!

image_pdfimage_print

OLYMPUS DIGITAL CAMERAWissen Sie, wia dunkel’s in da Friah scho is? Ja, des kimmt natürle ganz drauf o, wann Sie morgens zum Fenster nausschaun. Jedenfois laft seit a paar Dog wieda da Schuibetrieb und somit san’s aa olle wieda friah unterwegs – in da Dämmerung – de kloana und scho etwas größern Burschen und Madln. Zur Bushaltestelle werd eher grennt, weil so zeitig is ma ja aa wieda ned dro – um sieme nacham Kaba und am Marmelad-Brot. Oda ma fahrt gar ned mim Bus und gät glei ois z’Fuaß. Vom ADAC hods heid ois Geschenk jedenfois echt coole Sicherheits-Westen für de Erstklassler gem. Aba nur in Edling an da Schui. Da Gerhard Gron vom Vorstand hod gsogt, koa andere Schui bei uns hod se dafür interessiert. Schod find i des – da ADAC macht de Kinder damit doch a Gschenk glei für a paar Jahr, weil a Westn ohne Ärmel, de wachst ja mit. Außerdem schauns echt lässig aus – und beschützn. Schod, dass do ned mehra mitmachan … moand d’Renate

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.