Scho wieda neie Taferl!

image_pdfimage_print

Na, koa Angst, es geht ned scho wida um die neuen Wasserburger Auto-Taferl mit „WS“, es geht um Verkehrstaferl. Und do homma in da Stod scho an ganzn Haufa. Scharz, weiß, grau, rot, blau, gelb – schee bunt steht boid olle Medda a solchas Taferl umananda, so, dass ma fast koa Foto vo da Stod macha konn, ohne dass a Verkehrszeichn drauf is. Do frog i mi jetzt, ob de neuen Halteverbotsschuidl am Marienplatz wirkle aa no sei miassn. No dazua, wo ma a Halteverbot recht schwer überprüfen konn. Do miassat ja ständig oana vo unsane Ordnungshüterinnen davor steh und „Hoit, do ned hoitn!“ schrein. I bin moi gspannt, ob des neie Verbot so guad kontrolliert werd, wia des Parkverbot vorm Rathaus am Wochenende, wenn de Motoradlfahrer kemman – nämlich gar ned … … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.