Nix is mehr wos …

image_pdfimage_print

ChristianWissen Sie no, wos Sie moi werdn woitn? I woit imma Polizist werdn. Irgendwia hob i des dann aba vopasst. Andererseits, wenn i mein bestn Spezln, an Polizisten-Sepp so oschau, bin i ganz froh, dass i koana worn bin. De Schandarm hom ollerweil so an sauban Stress. Hubschrauber woit i aa moi fliang – beim Barras. Bei da dreitägigen medizinischen Prüfung bin i glei in de ersten zehn Minuten durchgfoin: Rot-Grün-Schwäche, farbenblind. Oh mei! Dann woit i Kranführer werden, zwegns am Überblick und da frischen Luft do obn. Irgendwia aa vopasst. Heut bin i deszweng ganz froh. Oidog sieg i nämlich grod vor unserm Fenster an riesigen Kran am Fletzinger-Areal. I kunnt zahna: Da Kranführer, wissen Sie, wos der macht? Vom Bodn aus mit da Fernbedienung steuert der den Kran. Mei, nix is mehr so, wia‘s früher moi war… … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.