Koa scheene Zukunftsmusi!

image_pdfimage_print

OLYMPUS DIGITAL CAMERASan Sie a Wenigfahrer oda a Vielfahrer? A Schleicher oda a Raser? A Defensiver oda eher so a Aggressiver? Wer des wissen wui? Ja, i eigentlich ned. Aba vielleicht scho boid Eana Auto-Versicherung. Denn, so sogt jetzt da ADAC, im Ausland gibt’sas scho – des „Pay as you drive“-Prämiensystem. Des hoaßt, nimma da Wohnort oda da Autotyp, de Benutzung Eana Garasch oda de Anzahl vo de Kilometer, de Sie so im Jahr dahituckern, bestimmen, wos Sie da Versicherung zoin – sondern Eana Fahrverhalten. Des is dann so a kloana schwarzer Kasten hinterm Armaturenbredl, den’s griang und der ois schee brav aufzeichnet. Wia Sie Gas gem, wia Sie in’d Kurvn einebreschn oda ob Sie sanft und spritsparend bremsen kennan. Sie fahrn oiso nie mehr aloa in da Weltgschicht umanand, imma hockt do da Big Brother vorn am Radio oglehnt, de Haxn nah bei da Gangschaltung und glotzt umme. Da gläserne Autofahrer. No is des Zukunftsmusik – aber koa scheene… …moand d‘Renate

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.