… i ko ma koan merka!

image_pdfimage_print

Christian1Geht‘s eana aa a so? I ko ma koan merka, ned ums Varegga. Kaum hob i an Witz g‘heard, is a aa scho wieda weg. Wahrscheinlich is do in meim Hirn a klona Witzfresser drin, der ununterbrocha Hunga hod. Weil i am Samsdog von am Wasserburger Wirt oan g‘heard hob, möcht i eana den schnell vozähln, bevor da Witzfresser se wieda a‘s Mai obwischt: De Breimoasta vo Hacker, vo Paulaner und vo Augstiner treffan se beim Wirt. Da Paulaner bstellt a Hoibe Paulaner, da Hacker a Hoibe Hacker, da Augustiner an Spezi. Frong de andan zwoa: „Warum dringstn Du an Spezi?“ Sogt da Augustiner: „Es Zwoa dringt‘s ja aa koa Bier, oda?“ … ja, i ko ma hoid koan bessern merka  … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.