Horror vacui !

image_pdfimage_print

Wahnsinn. Wos hom de Leut eigentlich früher ohne Internet gmacht? Heut Nachmittag hom mia Wasserburger moi a Gfui dafür griagt, wia des gwen sei muass. DSL-Ausfall auf der ganzen Linie. Koa Telefon geht nimma, koa Rechner is onlein, ma konn nix nochschaun, ma griagt koa Post ned und ma konn se ned mitteiln. Letzteres is bsonders schlimm für Onlein-Schornalisten, weil de nämlich ollerweil so ein Mitteilungsbedürfnis hom. Stundenlang komplette Funkstille. I bin direkt in a Loch gfoin, hob a paar Rundn mim Radl durch de Stod draht, aber koan kaputtn Drohd ned gfundn. Stille. Nichts als Stille, wia i zruck im Büro gwen bin. Unser Wasserburger Stimme war verstummt. Mich überkam, so zu sogn, die Angst vor dem Nichts. Horror vacui, sogt da Lateina. Bitte liebe Post, mach, dass des ned z’oft is, sonst z’reisst’s mi vor lauter Mitteilungsbedürfnis in dausnd Putzlappn… …moand da Huaba

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.