Grod war’s no z’koid !

image_pdfimage_print

OLYMPUS DIGITAL CAMERAHama jez Sommer, oda ned? Und wenn ja, is dann ned normal, dass amoi 30 Grod hod? Oiso no hodses ja gar ned. Aba wenn ma so de neuesten Schreckensmeldungen wettertechnisch liest, dann ko oam vorm Wochenende angst und bang wern. Gluthitze, 40 Grod aufwärts. Jez hob i in einschlägige Wetter-Institute moi einegoogelt und do songs für Edling zum Beispui als Höchstes 34 Grod fürs Wochenende. Des war ja no zum Aushoitn, oda? Wos i moan: Immer mehr werd ois sofort dramatisiert. Wenn’s im Dezember an Schnee hod, is des mittlerweile scho a Katastrophe. Hods aba koan Schnee – um Gods Wuin! – is des de nächste Katastroph. Is‘s hoaß im Sommer, passt’s ned – is ned hoaß, passt’s ja a ned. Zur Erinnerung: Bis vor kurzem war’s no z’koid. I sog einfach amoi so: Schee is, dass bei uns no Jahreszeiten gibt … moand d’Renate.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.