… genau des is a Weihnachtstraum

image_pdfimage_print

OLYMPUS DIGITAL CAMERAMa hod ja scho de Qual der Wahl – aa bei da Entscheidung, auf welchen Christkindlmarkt ma’s woi desmoi schaffa werd. De Auswahl is groß. Aa bei uns im Oidlandkreis. Rundumamdum „marktl’s“ quasi. De Edlinger ham deshoib glei gsogt – mia ned. Mia heuer ned. Und vui z’oft heard ma vo de Leit a Kritik ganz allgemein. Dass ja überoi nur no ums Essen und Dringa gäht. Hm. Aba warum eigentlich soi des so schlecht sei? Genau des fördert doch de Geselligkeit, des Zsammkemma auf so am Markt. Gemeinsam wos essen und dringa. Des gmiatle Beinandsteh – aa wenn’s no so koid is. Egal ob in Oibich bei da Waldweihnacht, in Amerang beim Schloss, in Pfaffing aufm Dorfplatz oda in Wasserburg vor da Frauenkirch. Genau des is doch Heimat. Und genau des is vielleicht da scheenste Weihnachtstraum übahaupts. Ganz egal wo … moand d’Renate.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.