… erfrischende Prominenz!

image_pdfimage_print

Christian1Sacklzement. Do is wos los gwen, am Wochenende in Weng. Wos, Sie wissn ned, wo Weng is. Weng liegt vo Griasstätt aus zwischen Berg und Haid. Aba Obacht! Wenn‘s im Ortschafterl namens Feld san, nachad san‘s scho z‘weit. Ganz ehrlich: I hob bis Samsdog ned gwusst, wo Weng is, ned amoi, dass‘s den Ortsteil vo Griasstätt überhaupts gibt. Des liegt jetzt ned an de Wenger, sondern an mia, weil i aus Wossaburg nimma aussakimm. Seit Samsdog is Weng da Nobe vo da Welt. Sogar da Kalle Rummenigge vo meim Lieblings-FC Bayern is do gwen bei da Eröffnung vom Peterhof. A ganz a neie Prominenz im Oidlandkreis! Ned ollerweil de Gleichen aus Rosnheim. Erfrischend… … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.