Drohnenalarm!

image_pdfimage_print

Christian1Unglaublich! I konn‘s einfach ned glaam: Da Onlein-Händler Amazon wui künftig seine Backerl per Drohne zuastelln. „Koa Scherz,“ sogt Spiegel-Onlein. In vier bis fünf Jahr solln de Mini-Fliaga scho in Amerika de Amazon-Backerl mit Biacha drin und ollerlei Glump zu de Leid hifliang, de wo des bstellt hom. Bei mia kunnt de Drohna ja aufm Garagendoch landn. Aber wia bitte soll der Fliaga sei Backerl in siebten Stock vo am Hochhaus liefern? Wahrscheinlich schmeißt a‘s am Fallschirm oba. Backerl auf‘n Schädel vom Nachbarn, der grod unt vor da Tür steht. Des konn ja luste wern, bsonders rund um Weihnachten. Drohnenalarm… …moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.