Da Huaba warnt: Vorsicht! Kerze!

Unser Kommentar zum ganz normalen Alltags-Wahnsinn

image_pdfimage_print

Christian1I hob‘s sofort wieda aus da Hand glegt. Hilfe! De is ja lebensgefährlich, so a Kerzn. Gestern beim Frühstück is mia des Drum in de Finga kemma. Mei Frau hod‘s in einer heimischen Drogerie kafft. Eine stinknormale Wachskerzn, gelb, mittelgroß. Auf da Bandarole: 15 (!) Warnhinweise. Mei Liaba, bin i daschrogga! Wos ma mit na brennaden Kerzn ois ned macha derf: Vorhäng und Zeidunga ozündn, ned schräg histelln, ned lang in da Hand hoitn und und und … Da wichtigste Hinweis: Mehrmaliges Löschen und Anzünden verkürzt die Brennzeit. I sog grod: Mehrmaliges Lesen dieser Warn-Bandarole verkürzt den Verstand… … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Ein Gedanke zu „Da Huaba warnt: Vorsicht! Kerze!

  1. Do lies i dein Kommentar zur der Kerzn und denk mir: Mei wie ma sie so o’stelln ko….
    Aber wie hoaßt so schee: Kleine Sünden bestraft der liebe Gott sofort. Am Samstag in der Fria, denk i, gar koa schlechte Idee amoi zum Frühstück a Kerzn o’zündn. Es war eh a bissal triab. De Kerzn steckt im selbabauten Kerzenständer aus oide Hoizgardinenring. Macht sie fei guat! Jetzt kimmt ned des wos sie alle denga. Na, de Zeitung is ned obrennt. Dad a schlecht geh Huaba, bei deiner Elektronischen. Oiso, wir frühstücken, dann pressierts auf oamoi. Mia hom uns no fertig richten miasen, weil ma auf a Hochzeit ganga san. Beim geh frog i no an Thomas: Is ois zugsperrt, homa ois dabei, is Radio aus? Thomas sogt ja, natürlich.
    Nach der besuchten Trauung, foit uns ei: Des Geschenk hama vergessn! Oiso schnei hoam. Kam sperr ma Haustür auf: Brandgeruch! O’Mei , o’mei, de Kerz , de Kerz! Einne in Kich . Do steht a hoibverkoihter Kerzenständer am Tisch, Kerzn is ausganga, ois gutganga. Do hot unser Vergesslichkeit a Unglück verhindert!

    0

    0
    Antworten