Ned ollerweil oisamt olle ois vozähln!

image_pdfimage_print

huberDe besten Gschichtn kriagt ma oft beim Begga oda beim Metzga mit aufn Weg. In da Stod sand des de reinstn Nachrichtnbörsn. Wia neilich. Do hod mia de nette Fachverkäuferin freudestrahlend berichtet, dass vor da Metzgerei a Lausbua recht laut bräsentierd hod, wos a grod in am Wasserburger Modegschäft oisamt gstoin hod. Grod bläd soi‘s gwen sei für den Burschen, dass ausgerechnet in dem Augenblick und für eam ned zum Dakenna a Verkäufer aus dem Gschäft, wo er gstoin hod, vorbei kemma is und de Gschicht vo dem ruhmreichn Diebstahl mitgriagt hod. Da Vokäufer hod den Buam glei beim Ohrwaschl backt und mitgnomma mitsamt da Beute. Bläd glaffa. Mei, ma soit hoid ned olle ollerweil oisamt ois vozähln…. …moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.