Da Hochmut kommt vorm Fall

image_pdfimage_print

Mit Spannung is’ erwartet worn, des Derby gestern in Forsting gega den Nachbarverein aus Emmering. San de doch neu in da Kreisklass ois Aufsteiga und ham scho so guad gspuit ghabt, dass glei an de Tabellenspitz kraxelt san. Entsprechend vui Fans warn do. Nur leida den Eindruck, den de Emmeringa Fans hintalassn ham, der war gar koa guada – selbst unta Berücksichtigung da größtn Emotionalität, de da heimische Fuaßboi so mit sich bringa ko. De Red is ned vom Diskutieren üba Abseits-Tore oda diverse Fuaßboi-Details. Na, de Red is vona Übaheblichkeit, de ina ganz normalen Punktspui-Runden gar nix verloren hod. Wia hoaßt’s so schee, Hochmut kommt vor dem Fall. Prompt hams am End bloß unentschieden gspuit in Forsting. Mog ja sei, vielleicht miasn de Emmeringer Fuaßboispieler des Tore schiaßn wirkle nimma lerna. Aba eanare Fans de Bescheidenheit … … moand d’Renate

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.