Aus mia is aa nix worn

image_pdfimage_print

ChristianKeine Panik, liebe Schüler! Des Zeugnis, des ihr moing griagts, interessiert spadestens in zehn Jahr koa Sau nimma. Versprocha. Aber i woaß scho no, wia des Gfui vor so am Zeugnisdog is. A bisserl mulmig is am do scho, obwoi de meistn Notn eh im Voraus bekannt sand. I hob‘s in meina Schuizeit allerdings manchmoi a aa bisserl spannend mögn. Grod bei de ned so wichtign Fächer hob i öfter moi an Schnitt ned nochgrechnet und de Sach laffa lossn. Deszweng hod‘s mi nacha zwengs am Fünfa in Biologie (i woaß bis heut ned genau, wos des überhaupt is‘) am End durcheghaut. Bläd glaffa. I hob‘s aber überlebt. Mei Tipp für morgen lautet: De Sach gmiadle ogeh. Konnst eh nix mehr ändern. Und schaug: Aus mia is aa nix worn und i gfrei mi trotzdem oi Dog übers Leben… … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.