Aufm Bodn blimm …

image_pdfimage_print

IMG_8980a_kleinqqVo amerikanische Top-Musiker und eanane Bands vozählt ma se, dass de scho moi noch am Auftritt ganz schee auframman. Ganze Hoteletagen sand bisweilen komplett verwüstet worn. Vorm Auftritt brauchen de Stars dann unbedingt a Bodwann voi Schampus vom Veranstalter, sonst tretn‘s erst gar ned o. „Starallüre“ hoaßt des bei de Preißn. „Depperte Hund sand‘s“, hoaßt des bei uns. Zum Glück sand do unserne bayrischn Super-Stars scheint se anders. Da Dettl Stefan und sei LaBrassBanda kemman noch Attel – zum Benefizkonzert. Se bringan oiso quasi no wos mit. Und an Schampus oda sowas brauchan‘s aa ned – grod an Radi, wui da Dettl. Konnst sogn, wost mogst: De sand trotz Mordserfolg wirkle aufm Bodn blimm… …moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.