Angst vorm scheena Weda

image_pdfimage_print

Gell, so sand mia Menschen hoid. De ganze Zeit jammern, wenn‘s rengt und schneibt und recht unzfrien sei, wenn ma de dickn Socka oziang muass. Und jetzt? Jetzt is‘s hoaß und de ganze Zeit scheint d‘Sonn. Und des soi aa no so bleim, song de Wetterfrösch. Do kunnt‘s oam angst und bang werdn, wenn ma vom Wasserburger Theaterkreis is. Der organisert oi Jahr den tollen Nachtflohmarkt. Wenn‘s Weda gar so schee is, kemman do Tausende vo Leit aus ganz Bayern. Des werd a saubers Gwurrl. De vuin Leit brauchat da Theaterkreis dann aa beim Wallenstein-Festival. Do homma jetzt wieder Angst, dass‘s Weda schlecht werd, weil‘s jetzt grod gar so schee is. Petrus! Wiast a‘s machst, verkehrt is‘ ollerweil… …moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.