A Landesvadda is‘ wos anders …

image_pdfimage_print

ChristianMa ko übern Franz Josef Strauß sogn, wos ma wui: A Numma is a gwen, und zwar a echte. Ganze Generationen hod er politisch gspoidn, aba unsa bayerische Rautnfahna ollerweil ganz hoch ghoitn. Ui, des reimt se. Aa 25 Jahr noch seim Dod, is‘ da Strauß in Bayern bekannt wia eh und je. Des zoang scho de ganzn Festlichkeitn, de jetzt in Rott stattfindn. I konn mi no guad an sein Todesdog erinnern. I war bei da Bundeswehr in Roth bei Nürnberg. Do sand olle Fahna auf Hoibmast kemma. Wos unsere Preißn in da Kasern gar ned vosteh hom kenna. „Wat, wegn so nem Politiker?“ Mei, de hom hoid den Unterschied ned kennt, zwischn am Landesvadda und am Ministerpräsidenten. Beim Franz Josef is der ziemlich groß gwen… … moand da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.